SMM xidmətinin tək bir qiyməti yoxdur. Qiyməti ay ərzində hansı işin görüləcəyi müəyyən edir: neçə video çəkiləcək, neçə dizayn hazırlanacaq, səhifəni kim idarə edəcək və bunun arxasında strategiya olacaqmı. Bakıda eyni adı daşıyan iki xidmət arasında fərq bir neçə dəfə ola bilər.
Sahibkarın səhvi adətən bu olur: qiyməti soruşur, amma nə aldığını soruşmur. Sonra “SMM işləmir” deyir. Əslində işləməyən SMM yox, nə alındığının bilinməməsidir.
SMM qiymətini nə formalaşdırır?
- Video sayı və növü. Bu gün Instagram və TikTok-da əsas yer videonundur. Mobil telefonla çəkilən reels bir qiymət, ssenarili satış videosu başqa, motion animasiya ən bahalı qiymətdir.
- Dizayn sayı. Post, karusel, story şablonları. Say artdıqca qiymət də artır.
- Stories. Hər gün aktiv story paylaşmaq ayrıca işdir, çünki kimsə bunu gündəlik etməlidir.
- Strategiya. Məzmun təsadüfi paylaşılırsa, ucuz başa gəlir, amma nəticə verməyə bilər. Strategiya ilə işləyən xidmət baha görünür, amma pulu qaytarır.
- Platforma sayı. Yalnız Instagram, yoxsa Instagram, TikTok və Facebook birlikdə.
Reklam büdcəsi SMM qiymətinə daxildirmi?
Xeyr. Bu, ən çox qarışdırılan məqamdır. SMM xidmətinin qiyməti komandanın əməyidir. Instagram və Facebook reklamına xərclənən pul isə birbaşa Meta-ya ödənilir və ayrıca hesablanır. Ona görə büdcəni plan edəndə iki rəqəm yazın: xidmət haqqı və reklam büdcəsi.
Qiyməti soruşmazdan əvvəl nəyi bilmək lazımdır?
Agentliyə yazmazdan əvvəl bir neçə cavabı özünüz üçün hazırlayın: neçə platformada olmaq istəyirsiniz, nə qədər video lazımdır, çəkiliş sizin tərəfdən kim edəcək, reklam planlaşdırırsınızmı. Bu cavablar olmadan qiymət soruşanda agentlik də ümumi cavab verir və siz müqayisə edə bilmirsiniz. Cavablar olanda isə eyni sorğu ilə bir neçə agentliyin təklifini yoxlayıb real fərqi görürsünüz.
Qiymətdən başqa nəyə baxmaq lazımdır?
- Komanda. İşi kim görür və görüşdən sonra kim məsul olacaq.
- Hesabat. Ay sonunda nəticəni necə göstərirlər.
- Dəyişiklik şərtləri. Bir paylaşımı düzəltmək üçün neçə dəfə imkan var.
- Müddət. Müqavilə neçə aya bağlanır və çıxış şərti nədir.
Beyinix-də paketlər necə qurulub?
Beyinix-də SMM xidməti dörd paketdən ibarətdir: Artım, Böyümə, Liderlik və Dominant. Hər paket biznesin ölçüsünə görə seçilir və aylıq video, dizayn, animasiya və story sayı ilə fərqlənir. Paketlərin tam tərkibi, qiymətləri və uzunmüddətli əməkdaşlıq şərtləri Marketinq sistem paketləri səhifəsində açıq yazılıb. Biznesiniz üçün hansı paketin uyğun olduğunu bilmirsinizsə, bizə yazın, səhifənizə baxıb konkret cavab verək.
Ucuz SMM nə vaxt bahalı başa gəlir?
Ayda bir neçə yüz manata “SMM” təklif edən çoxdur. Bu qiymətə adətən bir nəfərin bir neçə post hazırlaması düşür. Video, strategiya və analiz olmur. Altı ayın sonunda səhifədə 50 post olur, amma müştəri axını dəyişmir. Xərclənən pul ucuz görünür, itirilən vaxt isə bahalıdır.
Sualı belə qoyun: “Bu pula ayda nə alıram və bunun satışa təsiri nə olacaq?” Cavab aydın deyilsə, qiymət ucuz da olsa, bahalıdır.
Agentliyə qiyməti necə soruşmalı?
Agentliyə yazanda “SMM neçəyədir?” sualı əvəzinə daha dəqiq yazın: “Ayda neçə video və dizayn alıram, çəkiliş kimin hesabına, reklam ayrıca ölçülür, hesabat nə vaxt verilir?” Bu cür sual həm cavabı konkretləşdirir, həm də agentliyin işə necə yanaşdığını göstərir. Cavab aydındırsa, qiymət də şəffaf olur.
Bunu da oxuyun
Sual-cavab
Nəticəni görmək üçün ən az 3 ay lazımdır. Birinci ay səhifə və üslub qurulur, ikinci və üçüncü ay auditoriya reaksiyası ölçülür.
Paketdən asılıdır. Beyinix paketlərində videoların çəkilişi və montajı qiymətə daxildir.
Adətən Artım və ya Böyümə. Seçimi düzgün etmək üçün WhatsApp-da biznesinizi qısa təsvir edin, uyğun olanı birlikdə seçək.